288                                                   REGISTRES DU BUREAU                                               [i554]
DXXXVI1I. — Ordonnance touchant les gardes des basteaux de la Greve.
28 mai 1554. (B fol. 3i8 r°.)
Du xxviiic jour de May v° lui.
"Au jour d'hui, au Bureau de la Ville de Paris, monsr maistre Christofle de Thou, Prevost des Marchans, a ordonné que : à la permission qui a esté faitte à Raoulquin Le Roux, dict d'Alegre, sera adjousté pour en joir, ainsi que joissait led. Le Roux; et depuis est comparu led. Le Roux, lequel
a accordé et consenty que ses compagnons à lad. charge et garde puissent commettre en leur absence, et telle puissance et permission que luy.
" Presens : Gilles Poteau, Vivyen Semos et Jehan Marlin, lesquelz ont aussy accordé que led. Le Roux puisse fere comme dessus, n
DXXXIX. — Mandement à Jehan Maurice, dont la teneur ensuït.
28 mai 1554. (B fol. 3i8 r°.)
#e par les Prevost des Marchans et Eschevins de la Ville de Paris.
«M° Jehan Maurice, procureur au Chastellet de Paris pour lad. Ville, joignez vous es causes d'entre Pierre Pelerin, voitturier par eaue, coutre Jehan Daudel le Jeune et Collette Musnier; et soustenez que
le renvoy doibt estre faict par devant Nous, attendu qu'il est question du faict de la Riviere et Marchan­dise de l'Eaue; et au reffuz appellez. Et affin que soyez mieulx certioré du faict, nous vous envoyons les exploietz cy attachés : si n'y faittes faulte. "Faict le xxviucjour de May vc liiii. "
DXL. — Lettres de Monseigneur le Connestable [X la Ville,
DONT LA TENEUR EST TELLE]. Reçues après le 28 mai i554. (A fol. 86 v°; B fol. 3i8 v°.)
Messieurs, " Le Roy a receu vostre lettre du xxvi" de ce moys, et moy celle que vous m'avez escripte de mesme jour'1'. Et quant à ce qui touche les provisions qui ont esté expediées pour les affaires de la Ville que vous escripvez avoir esté surtaxées au Seau, et estre en­cores demourées es mains des secretaires,j'ay incon­tinant faict commander à l'audiencier de les delivrer ai vostre homme present porteur, en payant seulle­ment vingt escuz pour tous les seaulx. Et pour le regard de ce que vous dittes n'avoir poinct encores eu de responce sur la doubte où vous estes si vous receverez les sommes de deniers que ceulx qui ont fourny de la vaisselle d'argent offrent parfournir pour faire leurs sommes entieres, c'est chose dont le Roy a tant de foys escript aux Commissaires deputez sur la reception de lad. vaisselle, qu'il me semble que vous et eulx en debvez estre assez esclerciz; ne
s'estant jamais faict difficulté que, si quelques ungs voulloient aussi fournir quelque argent comptant, y n'y feussent receuz, ayant le Roy beaucoup moings d'interest aud. argent comptant que à la reception de leur vaisselle, comme vous l'entendez bien. Et mesmes a esté envoyé povoir ausd. Commissaires à ceste fin, ainsi que vous saurez d'eulx, et suyvant lequel vous ne sauriez faillir de vous regler à la re­ception de l'ung et de l'autre.
"Priant Dieu, Mess™,qu'il vous doint ce que [plus] desirez.
"Escript à Auffemont'2', le xxvnr3 jour de May mil v° liiii.
" Vostre bon amy,
MoNTMORANCY. "
[Et au dos desd, lettres est escript: A Mess"' les Prevost des Marchans et Eschevins de la Ville de Paris.]
('' Ces missives sont rapportées respectivement aux articles ci-dessus DXXXV et DXXXIV.
(2) Offémont, écart de Saint-Crépin-au-Rois, canton d'Attichy, arrondissement de Compiègne (Oise).